அதிசயமான அதியமான் கோட்டை பற்றிய வரலாறு, கட்டிடக்கலை, மற்றும் அதன் சிறப்புகள், காலபைரவர் கோயில், சோமேசுவரர் கோயில் பற்றிய ஒரு சிறப்பு கட்டுரை : -
"அதியமான் கோட்டை" என்ற பெயர் "அதியமான்" என்ற தமிழ் வார்த்தையிலிருந்து உருவானது, இது புகழ்பெற்ற மன்னர் அதியமான் நெடுமன் அஞ்சியைக் குறிக்கிறது, அதே நேரத்தில் "கோட்டை" என்பது கோட்டை அல்லது அரண்மனை என்று பொருள். அதியமான் கோட்டை அதன் வரலாற்று, கலாச்சார மற்றும் கட்டிடக்கலை முக்கியத்துவத்தின் காரணமாக தமிழ்நாட்டின் ஒரு பிரபலமான சுற்றுலாத் தலமாகும் . பண்டைய இடிபாடுகளை ஆராயவும், அமைதியான சூழலை அனுபவிக்கவும், இந்த தளம் வழங்கும் வரலாறு மற்றும் கலைத்திறனின் தனித்துவமான கலவையைக் காணவும் பார்வையாளர்களை ஈர்க்கிறது.
தென்னிந்தியாவின் பழமையான கோட்டைகளில் ஒன்றாக இந்த கோட்டை கருதப்படுகிறது. அதியமான் கோட்டையின் முக்கிய ஈர்ப்பு, பிரபல தமிழ் கவிஞரான அவ்வையாரிடமிருந்து நெல்லிக்காயைப் பெறும் அதியமான் சிலை ஆகும் . கவிதாயினி மன்னரின் கோட்டைக்குச் சென்று அவருக்காக நிறைய இதிகாசங்களைப் பாடியதாகக் கூறப்படுகிறது. அவரது நடிப்பால் ஈர்க்கப்பட்ட மன்னர், தனக்குச் சொந்தமான நெல்லிக்காயை அவளுக்குக் கொடுத்தார். நெல்லிக்காயை உட்கொள்பவர்கள் நீண்ட ஆயுளைப் பெறுவார்கள் என்று நம்பப்பட்டது, எனவே நீண்ட ஆயுளைக் கொடுக்கும் பழம் அவ்வையார் போன்றவர்களுக்கு மட்டுமே என்று அவர் வலியுறுத்தினார்.
புராணத்தின் படி, அதியமான் நெடுமான் அஞ்சி சங்க காலத்தில் இப்பகுதியின் சக்திவாய்ந்த ஆட்சியாளராக இருந்தார், மேலும் அவர் தனது குடிமக்களிடம் காட்டிய தைரியம் மற்றும் கருணைக்கு பெயர் பெற்றவர். இந்த கோட்டை அவரது வசிப்பிடமாகவும் நிர்வாக மையமாகவும் கூறப்பட்டது. சங்க காலத்தில் மன்னர் அதியமான் நெடுமான் அஞ்சியால் கட்டப்பட்டது. அந்தக் காலத்தின் கட்டிடக்கலை மற்றும் கட்டமைப்புத் திறமையைக் காட்டுகிறது. இந்தக் கோட்டையே பண்டைய கட்டிடக்கலை நுட்பங்கள் மற்றும் வடிவமைப்பிற்கு ஒரு சான்றாகும்.
கோயிலின் அமைப்பு மற்றும் வடிவமைப்பு அந்தக் காலத்தின் தென்னிந்திய கோயில்களின், பொதுவான சிக்கலான கைவினைத்திறன் மற்றும் கட்டிடக்கலை அழகைக் காட்டுகிறது. உள் கருவறைக்கு வழிவகுக்கும் மண்டபம் மற்றும் கோயில் சுவர்களை அலங்கரிக்கும் பதின்மூன்றாம் நூற்றாண்டின் ஓவியங்கள் போன்ற தனித்துவமான அம்சங்களை பார்வையாளர்கள் ரசிக்கலாம்.
அதியமான் கோட்டையின் சிறப்புகள் : -
அதியமான் கோட்டையின் வட்ட வடிவ மண் சுவர் அமைப்பு அக்கால பாரம்பரிய கட்டுமான முறைகளைப் பிரதிபலிக்கிறது. கூடுதலாக, ஆன்மீகம் மற்றும் மத வரலாற்றில் ஆர்வமுள்ளவர்களுக்கு, அதியமான் கோட்டை கோயில் வளாகத்திற்குள் அமைதியான சூழலை வழங்குகிறது. கோட்டையின் வளாகத்திற்குள் ஹொய்சால பேரரசின் போது கட்டப்பட்ட சென்ராய பெருமாள் கோயில் உள்ளது. இந்த கோயில் கஜுராஹோ கட்டிடக்கலை பாணிக்கு ஒரு சிறந்த எடுத்துக்காட்டாகும், ஏனெனில் பல காம வெளிப்பாடு சிற்பங்களைக் காணலாம். சென்ராய பெருமாள் கோயில் ஹொய்சால பேரரசின் கட்டிடக்கலையை நினைவூட்டும் சிக்கலான சிற்பங்கள் மற்றும் சிற்றின்ப வேலைப்பாடுகளைக் கொண்டுள்ளது.
விஷ்ணுவுக்கு அர்ப்பணிக்கப்பட்ட இந்த கோயில் தமிழ்நாட்டின் மிகவும் புனிதமான கோயில்களில் ஒன்றாகக் கருதப்படுகிறது. கோயிலின் ஆன்மீக சூழல் மற்றும் புனித சடங்குகள் ஆசீர்வாதங்களையும் ஆன்மீக ஆறுதலையும் தேடும் பக்தர்களை ஈர்க்கின்றன. கோயிலின் அமைப்பு மற்றும் வடிவமைப்பு அந்தக் காலத்தின் தென்னிந்திய கோயில்களின் பொதுவான சிக்கலான கைவினைத்திறன் மற்றும் கட்டிடக்கலை அழகைக் காட்டுகிறது. உள் கருவறைக்கு வழிவகுக்கும் மண்டபம் மற்றும் கோயில் சுவர்களை அலங்கரிக்கும் பதின்மூன்றாம் நூற்றாண்டின் ஓவியங்கள் போன்ற தனித்துவமான அம்சங்களை பார்வையாளர்கள் ரசிக்கலாம்!
அதியமான் கோட்டை : -
அதியமான் கோட்டை என்பது தமிழ்நாட்டின், தர்மபுரி மாவட்டத்தின் தலைநகரும் சங்ககாலத்தில் தகடூர் என அழைக்கப்பட்ட நகரான தருமபுரியில் இருந்து ஏழு கிலோ மீட்டர் தொலைவில் உள்ள கோட்டையாகும். இவ்வூரும் இப்பெயரிலேயே அழைக்கப்படுகிறது. இக்கோட்டையில் காலபைரவர் கோயில், சோமேசுவரர் கோயில், சென்னராயப் பெருமாள் கோயில் ஆகிய கோயில்கள் உள்ளன. வழிவழியாக அதியமான் கோட்டை இருந்த இடமாக கூறப்பட்ட இடத்தில் 1981, 1982 ஆகிய ஆண்டுகளில் அகழாய்வு மேற்கொள்ளப்பட்டது.
இதில் சங்ககாலத்ததாக கருதப்படும் கறுப்பு-சிவப்பு பானை ஓடுகள், வண்ணம் பூசப்பட்ட பானை ஓடுகள், வில் அம்பு போன்ற கீறல்கள் உள்ள பானை ஓடுகள் கிடைத்தன. மேலும் சுடுமண் மணிகள், இரும்பு ஆணிகள், போன்றவையும் கிடைத்தன. இங்கு மேடையுடன் கூடிய கெட்டியான களிமண்ணால் அமைக்கப்பட்ட தரைப் பகுதியும் கண்டறியப்பட்டது. இவற்றின் காலம் கி.மு.100 முதல் 300வரையிலான காலத்தைச் சேர்ந்தது எனக் கருதப்படுகிறது. அதியமான் கோட்டை என்று அழைக்கப்படும் இந்த இடத்தில்தான் சங்க காலத்தில் இருந்து கோட்டை இருந்தது என்பதற்கு சான்றுகள் இல்லை. இங்குள்ள கோயில் கல்வெட்டுகளில் இந்த ஊர் மகேந்திர மங்கலம் என்றும் இவ்வூர் இறைவன் மயிந்தீசுவரமுடையார் என்று கூறப்பட்டுள்ளது.
இந்த கிராமத்தைச் சுற்றி முட்டை வடிவிலான கோட்டையின் எஞ்சிய பகுதியில் சென்னைப் பல்கலைக்கழகத் தொல்லியல் துறையினர் அகழாய்வு நடத்தினர். அவ்வாறு நடத்திய அகழாய்வில் இக்கோட்டை கி.பி. பன்னிரண்டாம் நூற்றாண்டில் கட்டப்பட்டிருக்கலாம் என்று முடிவு செய்தனர். இதன்படி பார்த்தால் பிற்கால சோழர் காலத்தில் இங்கிருந்து ஆண்டுவந்த இராசராச அதியமான் என்னும் அதியமான் மரபின் சிற்றரசன் காலத்தில் இக்கோட்டை கட்டப்பட்டிருக்கலாம் எனக்கருதப்படுகிறது.
அதியமான் கோட்டை காலபைரவர் கோயில் : -
அதியமான் கோட்டை காலபைரவர் கோயில் என்பது தர்மபுரி மாவட்டம், தர்மபுரியில் இருந்து ஏழு கிலோமீட்டர் தொலைவில் உள்ள அதியமான் கோட்டையில் உள்ள ஒரு காலபைரவர் கோயிலாகும்.
கோயிலின் வரலாறு : -
இக்கோயிலை கட்டியது அதியமான் என கூறப்படுகிறது, ஆனால் இதற்கு ஆதாரமில்லை. உண்மையில் இக்கோயிலைக் கட்டியது யார் என கல்வெட்டுகளில் தெளிவாகக் குறிப்பிடப்பட்டுள்ளது. போசள மன்னனான வீர நரசிம்மனின் தானைத்தலைவனான மாதவ தண்ட நாயக்கனின் அமைச்சனான பரமெய் சகானி என்பவராலேயே இக்கோயில் கட்டப்பட்டது என கி.பி 1235 ஆம் ஆண்டு கல்வெட்டு குறிக்கிறது. அக்காலத்தில் இக்கோயில் பரமேசுவரமுடையார் கோயில் என அழைக்கப்பட்டுவந்ததைக் கல்வெட்டுகள் தெரிவிக்கின்றன.
கோயிலமைப்பு : -
இக்கோயில் திருவுண்ணாழி, இடைநாழி, மகாமண்டபம், முன்மண்டபம் ஆகியவற்றைக் கொண்ட தெற்கு நோக்கிய கோயிலாகும். திருவுண்ணாழியில் காலபைரவர் நான்கு கரங்களுடன் முன்னிரு கைகளில் ஒரு கையில் சூலம் ஏந்தியும் மறுகையில் சின் முத்திரையோடும் பின்னிரு கைகளில் அங்குசத்தையும் டமாரத்தையும் ஏந்தி நின்ற கோலத்தில் தன் ஊர்தியான நாயுடன் உள்ளார்.
அதியமான் கோட்டை சோமேசுவரர் கோயில் : -
அதியமான் கோட்டை சோமேசுவரர் கோயில் என்பது தர்மபுரி மாவட்டம், அதியமான் கோட்டையில் உள்ள சிவன் கோயிலாகும். அதியமான் கோட்டையில் உள்ள கோயில்களில் மிகவும் பழமையானது இக்கோயிலாகும்.
கோயிலின் வரலாறு : -
நுளம்பர் கட்டிய பல கோயில்களில் சோமேஸ்வரர் கோயில் குறிப்பிடத்தக்கது. மகேந்திர நுளம்பன் காலத்தில் இக்கோயிலின் இறைவன் மயீந்தீசுவரமுடையார் என கல்வெட்டுகளில் அழைக்கப்பட்டுகிறார். இந்த செங்கற்தளி. கிழக்கு நோக்கி அமைந்துள்ளது. இக்கோயில் திருவுண்ணாழி, அர்த்த மண்டபம் ஆகிய ஆகிய இரு உறுப்புகளை மட்டும் கொண்டு எளியதாக உள்ளது. கோயில் இறைவன் லிங்கவடிவில் உள்ளார். இக்கோயிலில் அம்மனுக்கு கோயில் இல்லை. இக்கோயிலின் சிறப்பு என்னவென்றால் இங்கு உள்ள சூரியக்கல் ஆகும்.
இக்கல் கோயிலின் வாயிலுக்கு சில மீட்டர் தொலைவில் கல்லால் அழகிய வேலைப்பாடுகளுடன் ஒரே கல்லில் அமைக்கப்பட்ட வளைவே சூரியக் கல் ஆகும். இது தோராயமாக மூன்றடி உயரமுடையதாக உள்ளது. குறிப்பிட்ட நாளில் மாலை நேரத்தில் இந்த வளைவில் புகும் சூரியக் கதிர்கள் கோயிலின் உள்ளே உள்ள சிவலிங்கதிதன்மீது படுவதுவே இதன் சிறப்பு. இக்கோவிலின் இரண்டு தொங்கும் தூண்களும் மற்றொரு சிறப்பாகும்.
அதியமான் கோட்டை சென்னராயப் பெருமாள் கோயில் : -
அதியமான் கோட்டை சென்னராயப் பெருமாள் கோயில் என்பது தர்மபுரி மாவட்டம், அதியமான் கோட்டையில் உள்ள ஒரு வைணவக் கோயிலாகும். இது இந்தியத் தொல்லியல் துறையால் பாதுகாக்கப்படும் கோயிலாக உள்ளது.
கோயிலின் பழமை : -
இக்கோயிலில் எந்தக் கல்வெட்டுகளும் இல்லை என்றாலும், இக்கோயிலின் மகாமண்டபத்தின் விதானத்தில் மகாபாரத, இராமாயண காட்சிகளை விளக்கும் பழங்கால சுவரோவியங்கள் உள்ளன. இவை சுமார் முந்நூறு ஆண்டுகளுக்குமேல் பழமை வாய்தவையாகக் கருதப்படுகிறன.
கோயிலமைப்பு : -
இக்கோயில் திருவுண்ணாழி, இடைநாழி, மகாமண்டபம் ஆகியவற்றைக் கொண்ட கோயிலாகும். திருவண்ணாழியில் திருமகள், நிலமகள் ஆகியோருடன் சென்னராயப் பெருமாள் நின்ற கோலத்தில் உள்ளார். பெருமாளில் நான்கு கரங்களில், பின்னிரு கரங்களில் சங்கும், சக்கரமும் முன்னிரு கரங்களில் வலக்கை வரத முத்திரையுடனும், இடக்கை தொடையில் பதிந்தபடியும் உள்ளன. அர்த்தமண்டபத்தில் வலப்புரத்தில் ஆழ்வார்களான நம்மாழ்வார், பூதத்தாழ்வார், திருமங்கை ஆழ்வார் ஆகிய மூவரின் திருஉருவங்கள் உள்ளன. கோயிலின் விமானம் மூன்று தளங்களைக் கொண்டு கோயில் கிழக்கு நோக்கி உள்ளது.
ஔவை பாட்டிக்கு அதியமான் வழங்கியது நெல்லிக்காயா..? கனியா..?
ஔவையாருக்கு அதியமான் வழங்கியது நெல்லிக்காயா? நெல்லிக்கனியா? என்ற சந்தேகம் பலருக்கும் இருக்கலாம். ஔவையாருக்கு அதியமான் வழங்கியது நெல்லிக்கனிதான். அதைப் பற்றி இந்தப் பதிவில் பார்ப்போம்.
அதியமான் ஒரு சமயம் வேட்டைக்குச் சென்றபோது அங்கு மலையுச்சியில் ஒரு அரிய வகை நெல்லிக்கனியை கண்டார். அந்த நெல்லிக்கனியை உண்டால் ஆயுள் நீடிக்கும் என்ற நம்பிக்கை நிலவி வந்தது. நீண்ட ஆயுளைக் கொடுக்கும் அந்த அதிசய நெல்லிக்கனியை அதியமான் அடைந்தபோதும், அதை தான் உண்பதை விட, ஔவையார் உண்டால், தமிழுக்கு நீண்ட காலம் தொண்டாற்றுவார் என்று கருதி, அந்தக் கனியை ஔவையாருக்கு அதியமான் அளித்தார்.
அவ்வாறு அந்தக் கனியினை உண்டு தான் நெடுங்காலம் வாழ வேண்டும் என்று எண்ணாமல், அந்தக் கருத்தினை தன்னுள் அடக்கி ஔவையாருக்கு அதியமான் அக்கனியை உண்பித்ததை எண்ணிப் பாராட்டி ஔவையார் பின்வரும் புறநானூறு பாடல் ஒன்றைப் பாடி அதியமானை வாழ்த்துகிறார்.
‘வலம்படு வாய்வாள் ஏந்தி, ஒன்னார்
களம்படக் கடந்த கழல்தொடித் தடக்கை
ஆர்கலி நறவின் அதியர் கோமான்
போர்அடு திருவின் பொலந்தார் அஞ்சி
பால் புரை பிறைநுதல் பொலிந்த சென்னி
நீல மணிமிடற்று ஒருவன் போல
மன்னுக, பெரும! நீயே தொன்னிலைப்
பெருமலை விடரகத்து அருமிசை கொண்ட
சிறியிலை நெல்லித் தீங்கனி குறியாது,
ஆதல் நின்னகத்து அடக்கிச்,
சாதல் நீங்க, எமக்கு ஈத்தனையே.’
பொருள் விளக்கம் : -‘குறி தவறாத வாளை எடுத்து பகைவர்கள் தோற்கும்படி வென்ற அதியர் கூட்டத் தலைவன் அதியமானே, பால் போல் வெள்ளை நிற பிறை நெற்றியிலிருக்கும் தலையையும், விஷம் உண்டு தேவர்களைக் காத்த நீலமணியைப் போன்ற கழுத்தையும் உடைய சிவபெருமான் போல் நீண்ட ஆயுளுடன் நீ வாழ்வாய். பெரிய மலையின் பிளவுக்கு இடையில் ஏறுவதற்கு அரிய உச்சியில் வளர்ந்த சிறிய இலைகளை உடைய அரிய நெல்லிக்கனியை, பெறுவதற்கு அரிது என்று கருதாமல், அதன் பெருமையை உனக்குள்ளே அடக்கி நான் நீண்ட காலம் வாழ எனக்குத் தந்தாயே’ என்று வாழ்த்திப் பாடுகிறார்.
"This Content Sponsored by Buymote Shopping app
BuyMote E-Shopping Application is One of the Online Shopping App
Now Available on Play Store & App Store (Buymote E-Shopping)
Click Below Link and Install Application: https://buymote.shop/links/0f5993744a9213079a6b53e8
Sponsor Content: #buymote #buymoteeshopping #buymoteonline #buymoteshopping #buymoteapplication"
BuyMote E-Shopping Application is One of the Online Shopping App
Now Available on Play Store & App Store (Buymote E-Shopping)
Click Below Link and Install Application: https://buymote.shop/links/0f5993744a9213079a6b53e8
Sponsor Content: #buymote #buymoteeshopping #buymoteonline #buymoteshopping #buymoteapplication"
கருத்துரையிடுக